ಮೇಲಂತಬೆಟ್ಟು: ಮೇಲಂತಬೆಟ್ಟು ಗ್ರಾಮದ ಪಡಿಬೆಟ್ಟು ಎಂಬಲ್ಲಿನ ನಿವಾಸಿ ಯಮುನಾ ಆಚಾರ್ಯ ಎಂಬ ಮಹಿಳೆಯೋರ್ವರು ಸೆ.3ರಂದು ಹಾಲಿನ ಡೈರಿಗೆ ಹೋದವರು ನಾಪತ್ತೆಯಾಗಿ ಇದೀಗ ಪತ್ತೆಯಾಗಿದ್ದಾರೆ.
ವೃದ್ಧೆ ಹಾಲಿನ ಡೈರಿಗೆ ಹೋಗಿದ್ದರು. ಬಳಿಕ ಮನೆಗೂ ವಾಪಸ್ ಬಾರದೆ ನಾಪತ್ತೆಯಾಗಿ, ಮನೆ ಯಲ್ಲಿ ಆತಂಕ ಸೃಷ್ಟಿಯಾಗಿತ್ತು. ರಸ್ತೆಯಲ್ಲಿ ರಕ್ತದ ಕಲೆ, ಎರಡು ಚಪ್ಪಲಿ, ಚೆಲ್ಲಿರುವ ಹಾಲು ಸ್ಥಳದಲ್ಲಿ ಪತ್ತೆಯಾಗಿ, ಕಳವಳಕ್ಕೆ ಕಾರಣವಾಗಿತ್ತು. ಊರವರು ಹಾಗೂ ಬೆಳ್ತಂಗಡಿ ಪೊಲೀಸರು ಆಸ್ಪತ್ರೆಯಲ್ಲಿ ಹಾಗೂ ಇತರ ಕಡೆ ವಿಚಾರಿಸಿದ್ದರು, ಎಲ್ಲೂ ಮಾಹಿತಿ ಸಿಗದೇ ಇದ್ದಾಗ ಕೊನೆಗೆ ಸಿಸಿ ಕ್ಯಾಮೆರದಲ್ಲಿ ನೋಡಿ ಅವರನ್ನು ಪತ್ತೆ ಮಾಡಲು ಯಶಸ್ವಿಯಾಗಿದ್ದಾರೆ.
ಮನೆಯವರು ದನ ಕಟ್ಟಲು ಹೋದಾಗ ವೃದ್ಧೆ ಹಿಂಭಾಗದ ಬಾವಿಯ ಕಟ್ಟೆಯಲ್ಲಿ ಕುಳಿತಿದ್ದರು. ಅವರನ್ನು ವಿಚಾರಿಸಿದಾಗ ನಾನು ಜಾರಿ ಬಿದ್ದು ಗಾಯವಾಗಿದ್ದು ಬೇರೆ ಏನೂ ಆಗಿಲ್ಲ ಎಂದಿದ್ದಾರೆ. ಮನೆಯ ಹಿಂಬಾಗದ ಗುಡ್ಡದಲ್ಲಿ ಹಾಲಿನ ಕ್ಯಾನ್, ಚೀಲದಲ್ಲಿ, ಕತ್ತಿ ಪತ್ತೆಯಾಗಿದೆ.
