ಬೆಳ್ತಂಗಡಿ: ರಸ್ತೆ ಬದಿ ನಿಲ್ಲಿಸಿದ್ದ ಆಟೋ ರಿಕ್ಷಾ ವಾಹನಕ್ಕೆ ಕಂಟೈನರ್ ಲಾರಿಯೊಂದು ಡಿಕ್ಕಿ ಹೊಡೆದು ಪರಾರಿಯಾಗಿದ್ದು, ಸ್ಥಳೀಯರು ಬೆನ್ನಟ್ಟಿ ಲಾರಿ ಸಮೇತ ಚಾಲಕನನ್ನು ಹಿಡಿದ ಘಟನೆ ಜು.29 ರಂದು ಬೆಳ್ತಂಗಡಿ ವಾಣಿ ಕಾಲೇಜಿನ ಬಳಿ ನಡದಿದೆ.
ವಾಣಿ ಕಾಲೇಜಿನ ಸಮೀಪ ಶೋರೂಮ್‌ಗೆ ತೆರಳಲು ಆಟೋ ಚಾಲಕ ತಮ್ಮ ರಿಕ್ಷಾವನ್ನು ನಿಲ್ಲಿಸಿದ್ದ ಸಂದರ್ಭ ಅತೀ ವೇಗ ಹಾಗೂ ಅಜಾಗರೂಕತೆಯಿಂದ ಬಂದಂತಹ ಕಾಂಟೈನರ್ ಲಾರಿಯೊಂದು ಗುದ್ದಿದ ಪರಿಣಾಮ ರಿಕ್ಷಾದ ಹಿಂಭಾಗ ಸಂಪೂರ್ಣವಾಗಿ ಜಖಂಗೊಂಡಿದೆ.
ಆದರೂ ಲಾರಿಯನ್ನು ನಿಲ್ಲಿಸದೆ ಅಲ್ಲಿಂದ ಪರಾರಿಯಾಗಲು ಯತ್ನಿಸಿದ ಕಂಟೈನರ್ ಚಾಲಕನನ್ನು ಸ್ಥಳೀಯರು ಕೂಡಲೇ ಬೆನ್ನಟ್ಟಿ ಹಿಡಿದ್ದಾರೆ. ಲಾರಿ ಡಿಕ್ಕಿ ಹೊಡೆಯುವ ಸಂದರ್ಭದಲ್ಲಿ ರಿಕ್ಷಾದಲ್ಲಿ ಯಾರೂ ಇಲ್ಲದ ಕಾರಣ ಸಂಭವಿಸಬಹುದಾದಂತಹ ಬಾರೀ ಅಪಾಯವೊಂದು ಅದೃಷ್ಟಶಾತ್ ತಪ್ಪಿದಂತಾಗಿದೆ. ಕಂಟೈನರ್ ಚಾಲಕ ಪಾನಮತ್ತನಾಗಿ ವಾಹನ ಚಲಾಯಿಸುತ್ತಿದ್ದನು ಎಂದು ಸ್ಥಳೀಯರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
