ಉಜಿರೆಯ ಶ್ರುತಿ ಕೆ.ಎಸ್ ನ್ಯಾಯಾಧೀಶರಾಗಿ ನೇಮಕ

ಬೆಳ್ತಂಗಡಿ: ಕರ್ನಾಟಕ ಉಚ್ಚನ್ಯಾಯಾಲಯ 2021ನೇ ಸಾಲಿನಲ್ಲಿ ನಡೆಸಿದ ನ್ಯಾಯಾಧೀಶರ ಹುದ್ದೆಯ ನೇಮಕಾತಿ ಪರೀಕ್ಷೆಯಲ್ಲಿ ಉಜಿರೆ ಟಿ.ಬಿ ಕ್ರಾಸ್‌ನ ನಿವಾಸಿ ಶ್ರುತಿ ಕೆ. ಎಸ್ ಅವರು ನ್ಯಾಯಾಧೀಶರಾಗಿ ನೇಮಕಗೊಂಡಿದ್ದಾರೆ.
ಬಂಟ್ವಾಳದ ಎಸ್.ವಿ.ಎಸ್ ನಲ್ಲಿ ಪ್ರಾಥಮಿಕ, ಪ್ರೌಢ ಹಾಗೂ ಪದವಿಪೂರ್ವ ಶಿಕ್ಷಣವನ್ನು ಪೂರೈಸಿರುವ ಶ್ರುತಿ ಕೆ.ಎಸ್ ಅವರು ಸುಳ್ಯದ ಕೆ.ವಿ.ಜಿ ಕಾನೂನು ಕಾಲೇಜಿನಲ್ಲಿ ಕಾನೂನು ಪದವಿಯನ್ನು ಪಡೆದಿದ್ದಾರೆ. ಪ್ರಸ್ತುತ ಬೆಳ್ತಂಗಡಿಯ ಖ್ಯಾತ ವಕೀಲರಾದ ಧನಂಜಯ ರಾವ್ ಬಿ.ಕೆ ಅವರ ಬಳಿ ಜೂನಿಯರ್ ಆಗಿ ಪ್ರಾಕ್ಟೀಸ್ ಮಾಡುತ್ತಿದ್ದಾರೆ. ಇವರು ಉಜಿರೆ ಟಿ.ಬಿ ಕ್ರಾಸ್ ನಿವಾಸಿ, ಮಂಗಳೂರಿನಲ್ಲಿ ವಕೀಲ ವೃತ್ತಿ ನಡೆಸುತ್ತಿರುವ ರಂಜಿತ್ ನಾಯ್ಕ್‌ರವರ ಧರ್ಮಪತ್ನಿಯಾಗಿದ್ದಾರೆ.