ನದಿಗೆ ಸ್ನಾನಕ್ಕೆ ಹೋಗಿದ್ದ ಧರ್ಮಸ್ಥಳ ಜೋಡುಸ್ಥಾನದ ಯುವಕ ನಾಪತ್ತೆ

ಧರ್ಮಸ್ಥಳ: ಇಲ್ಲಿಯ ಕೂಡಿಗೆ ಪರಪ್ಪು ಎಂಬಲ್ಲಿ ನೇತ್ರಾವತಿ ನದಿಗೆ ಸ್ನಾನಕ್ಕೆ ಹೋಗಿದ್ದ ನಾಲ್ಕು ಮಂದಿಯಲ್ಲಿ ಓರ್ವ ನಾಪತ್ತೆಯಾಗಿರುವ ಘಟನೆ ಮೇ ೨೭ರಂದು ವರದಿಯಾಗಿದೆ.
ಧರ್ಮಸ್ಥಳ ನಿವಾಸಿಗಳಾದ ನವೀನ್, ಶ್ರೀಧರ, ವಸಂತ, ಯತೀಶ ಸೇರಿ ನಾಲ್ಕು ಮಂದಿ ಮಧ್ಯಾಹ್ನ ನದಿಗೆ ಸ್ನಾನಕ್ಕೆ ಹೋಗಿದ್ದರು. ಇದೀಗ ಸ್ನಾನಕ್ಕೆ ಹೋಗಿದ್ದ ನಾಲ್ವರಲ್ಲಿ ಶ್ರೀಧರ ಎಂಬವರು ನಾಪತ್ತೆಯಾಗಿರುವುದಾಗಿ ವರದಿಯಾಗಿದೆ. ಅವರು ನೀರಿನಲ್ಲಿ ಮುಳುಗಿರಬಹುದೇ ಎಂಬ ಸಂಶಯ ಕಾಡುತ್ತಿದ್ದು, ಸ್ಥಳಕ್ಕೆ ಧರ್ಮಸ್ಥಳ ಪೊಲೀಸರು, ಸ್ಥಳೀಯ ಆಗಮಿಸಿ ಶೋಧ ಕಾರ್ಯದಲ್ಲಿ ನಿರತರಾಗಿದ್ದಾರೆ.