ಬೆಳ್ತಂಗಡಿ ಸೇತುವೆ ಬಳಿ ಕಬ್ಬಿಣದ ತಡೆಗೋಡೆಗೆ ರಿಕ್ಷಾ ಡಿಕ್ಕಿ ಪ್ರಯಾಣಿಕ ಮಹಿಳೆ ಮೃತ್ಯು

ಬೆಳ್ತಂಗಡಿ: ಇಲ್ಲಿಯ ಬೆಳ್ತಂಗಡಿ ಸೇತುವೆ ಬಳಿ ರಿಕ್ಷಾವೊಂದು ಕಬ್ಬಿಣದ ತಡೆಗೋಡೆಗೆ ಡಿಕ್ಕಿ ಹೊಡೆದು ಸಂಭವಿಸಿದ ಅಪಘಾತದಲ್ಲಿ ಓಡಿಲ್ನಾಳ ಗ್ರಾಮದ ಲಕ್ಷ್ಮೀ ಯಾನೆ ದುಗ್ಗಮ್ಮ(65ವ) ಎಂಬವರು ಮೃತಪಟ್ಟ ಘಟನೆ ಮಾ.31ರಂದು ವರದಿಯಾಗಿದೆ.
ಬೆಳ್ತಂಗಡಿ ವಾಹನ ಶೋ ರೂಮ್ ಹತ್ತಿರ ಕೊಯ್ಯೂರು ನಿವಾಸಿ ಬೇಬಿ ಗೌಡ ಎಂಬವರು ಉಜಿರೆ ಕಡೆ ತೆರಳುತ್ತಿದ್ದಾಗ ರಿಕ್ಷಾ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆಯ ಎಡಬದಿಯ ಕಬ್ಬಿಣದ ತಡೆಗೋಡೆಗೆ ಡಿಕ್ಕಿ ಹೊಡೆಯಿತು. ಈ ಸಂದರ್ಭ ರಿಕ್ಷಾದಲ್ಲಿ ಪ್ರಯಾಣಿಸುತ್ತಿದ್ದ ಲಕ್ಷ್ಮೀ, ಲೀಲಾ, ಯತೀಶ ಎಂಬವರು ಗಾಯಗೊಂಡಿದ್ದರು. ಚಿಕಿತ್ಸೆಗೆ ದಾಖಲಾಗಿದ್ದ ಲಕ್ಷ್ಮೀಯವರು ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದು, ಬೆಳ್ತಂಗಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
———————————————-