ಬೆಳ್ತಂಗಡಿ : ಇಲ್ಲಿನ ಲಾಯಿಲ ಶ್ರೀ ಸುಬ್ರಹ್ಮಣ್ಯ ಸ್ಥಾನಿಕ ಬ್ರಾಹ್ಮಣ ಸಭಾ ಸಭಾ ಭವನದಲ್ಲಿ ಸೆ . 23 ರಿಂದ ಸೆ . 30ವರೆಗೆ ಕುರಿಯ ವಿಠಲ ಶಾಸ್ತ್ರಿ ಸಾಂಸ್ಕೃತಿಕ ಪ್ರತಿಷ್ಠಾನ (ರಿ.), ಉಜಿರೆ, ಶ್ರೀ ಸುಬ್ರಹ್ಮಣ್ಯ ಸ್ಥಾನಿಕ ಬ್ರಾಹ್ಮಣ ಸಭಾ (ರಿ.), ಬೆಳ್ತಂಗಡಿ, ಹಾಗೂ ರೋಟರಿ ಕ್ಲಬ್ ಬೆಳ್ತಂಗಡಿ ಸಹಯೋಗದಲ್ಲಿ, ಯಕ್ಷಗಾನ ಮಹೋಪಾಧ್ಯಾಯ ನೆಡ್ಲೆ ನರಸಿಂಹ ಭಟ್ ಅವರ ಸಂಸ್ಮರಣೆಗಾಗಿ *ಯಕ್ಷಾವತರಣ-5* ಎಂಬ ಯಕ್ಷ ಸಾಂಗತ್ಯ ತಾಳಮದ್ದಳೆ ಸಪ್ತಾಹ ಹಾಗು ಯಶೋ ಯಕ್ಷ ನಮನ ಸಾಂಸ್ಕೃತಿಕ ಕಾರ್ಯಕ್ರಮ ಆಯೋಜಿಸಲಾಗಿದೆ.
ಸೆ . 23 ಭೀಷ್ಮ ಪರ್ವ , ಸೆ . 24 ಇಂದ್ರತಂತ್ರ ಪ್ರಹ್ಲಾದಶಾಪ, ಸೆ . 25 ಶಲ್ಯ ಸಾರಥ್ಯ, ಸೆ . 26 ವಾಮನ ಚರಿತ್ರೆ, ಸೆ . 27 ಕರ್ಣಭೇದನ, ಸೆ . 28 ಅಗ್ನಿಪರೀಕ್ಷೆ – ನಿಜಪಟ್ಟಾಭಿಷೇಕ, ಸೆ . 29 ಗುರುದಕ್ಷಿಣೆ ,ಸೆ . 30 ಯಶೋ’ ಯಕ್ಷನಮನ – ಗಾನ-ನೃತ್ಯ-ಚಿತ್ರ ಕಾರ್ಯಕ್ರಮ ಆಯೋಜಿಸಲಾಗಿದೆ . ಹಿರಿಯ ಯಕ್ಷಗಾನ ಕಲಾವಿದರು, ಹಿಮ್ಮೇಳ ಮತ್ತು ಮುಮ್ಮೇಳ ತಂಡಗಳು ಈ ಕಲಾವೈಭವ ದಲ್ಲಿ ಭಾಗವಹಿಸಲಿದ್ದಾರೆ. ಯಕ್ಷಾವತರಣ -೫ ಉದ್ಘಾಟನೆಯನ್ನು ಉದ್ಯಮಿ ನೆಡ್ಳೆ ರಾಮ ಭಟ್ ಮಂಗಳೂರು ನೆರವೇರಿಸಲಿದ್ದಾರೆ . ಕುರಿಯ ವಿಠಲ ಶಾಸ್ತ್ರಿಪ್ರತಿಭಾ ಪುರಸ್ಕಾರ ಜೀ ವಾಹಿನಿಯ ಡ್ರಾಮಾ ಜೂನಿಯರ್ ವಿಜೇತೆ ರಿಷಿಕಾ ಕುಂದೇಶ್ವರ. ಅವರಿಗೆ ನೀಡಲಾಗುವುದು. ಪ್ರತಿದಿನ ಸಂಜೆ ೪ .೪ ೫ ರಿಂದ ಕಾರ್ಯಕ್ರಮ ನಡೆಯಲಿದೆ. ಸಾರ್ವಜನಿಕರಿಗೆ ಮುಕ್ತ ಪ್ರವೇಶ ಇದೆ ಎಂದು ಕುರಿಯ ವಿಠಲ ಶಾಸ್ತ್ರಿ ಸಾಂಸ್ಕೃತಿಕ ಪ್ರತಿಷ್ಠಾನ ಅಧ್ಯಕ್ಷ ಕುಮಾರಸ್ವಾಮಿ ಕನ್ಯಾನ , ಸಂಚಾಲಕ ಉಜಿರೆ ಅಶೋಕ ಭಟ್ , ಸ್ಥಾನಿಕ ಸಭಾ -ಅಧ್ಯಕ್ಷ ಶಿವಾನಂದ ರಾವ್, ಕಕ್ಕನೇಜಿ , ರೋಟರಿ ಕ್ಲಬ್ ಬೆಳ್ತಂಗಡಿ ಅಧ್ಯಕ್ಷ ಪೂರನ್ ವರ್ಮ ಉಜಿರೆ ಜಂಟಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ .
